Socha to tha!

Socha tha ki ab nahi sochungi, par ye bhi jaanti thi me esi hu nahi...
Raato ko ab to neend bhi aati hai, sajti bhi hu sishe k aage, kajal bhi me naya laayi thi..
Par me ab vesi lagti nahi, jo me dikhti thi vo hu nahi me...
Nikal jaati hu sunsan sadko pe shaanti dhundne, par daraati hai vo raahein mujhe...
Ki me isi shaanti me khatam na hojau ek din, akele hi to bitayi hai zindagi... kitani shaanti chahti hu or...
Ishq dhundhne se nahi milta kehte hain log, par apne aap bhi nahi milta ye humse behtar to kya hi janega koi...
Us din akele nikal gai thi ek gali me cigarette leke, socha shaanti milegi... par ehsas hua ki use ashaant me kabhi na thi...
Fir socha ki hota jo sath to kesa hota, koi pakadta mera hath or ishq se dekhta to kesa hota... koi karta mujhse bhi mithi batein, koi hota jo kehta ki hu me saath tere... par koi hota to kehta...
Kala rang bada pasand hai mujhe, kaash koi ho jisse rang pasand ho...
Socha tha ki ab nahi sochungi, par ishq mehsus kie bhi saalo guzar gae...
Kash mene soch lia hota!